Mahmud Əhmədinejata 481 xəbərdarlıq

İran parlamenti indiyə kimi ölkə prezidenti Mahmud Əhmədinejada 481 dəfə xəbərdarlıq edib.

APA-nın "Radiofərda"ya istinadən verdiyi məlumata görə, bu barədə İran parlamentinin sədr müavini Hüseyn Müzəffər bildirib. Onun sözlərinə görə, İran parlamenti indiyədək icraedici orqana 1850 dəfə xəbərdarlıq edib: "Bunun 481-i prezidentə, qalanları isə nazirlərə olub".

H. Müzəffər deyib ki, bu günə kimi parlament 37 qanun qəbul edib: "Ancaq bunlardan 5-i icraedici orqan tərəfindən vaxtında icraya qoyulmayıb".

AzNews.az