Ağacdan yıxılan jurnalist öldü

Almaniyanın Hambax meşəsində ağacların kəsilməsinə mane olmaq üçün onların üzərində barrikada quran ekoloqları görüntüləmək istəyən jurnalist hündürlükdən düşərək dünyasını dəyişib.

“Qafqazinfo” xarici mediaya istinadən xəbər verir ki, Steffen M. adlı reportyor 20 metr yüksəklikdən yıxılıb. Ağır yaralanan jurnalist xəstəxanada dünyasını dəyişib.

Qeyd edək ki, 12 min illik tarixi olan Hambax meşəsinin mədən qazıntısı səbəbindən nadir ağaclarının kəsilməsi əleyhinə 7 gündür nümayişlər keçirilir.

AzNews.az