04:25
(077) 610-22-33

Havanın temperaturu aşağı düşəcək

  • >
190 6 May 2013 08:34 | Hadisə

Həftə sonu Bakıda havanın temperaturu iqlim normasından 4-5 dərəcə yüksək olub



Ötən həftənin sonunda Bakı və Abşeron yarımadasında havanın temperaturu iqlim normasından yüksək olub.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev açıqlamasında bildirib ki, mayın 4-də və 5-də paytaxtda iqlim normasından 4-5 dərəcə yüksək temperatur qeydə alınıb. Bu gün də paytaxtda temperaturun iqlim normasından yüksək olması gözlənilir.

A. Verdiyev qeyd edib ki, mayın 7-si axşamdan etibarən ölkə ərazisində şimal küləklərinin əsəcəyi və üstünlük təşkil edəcəyi gözlənilir.

Belə hava mayın 8-də də davam edəcək. Mayın 7-si axşamdan etibarən şimal küləklərinin üstünlük təşkil etməsi nəticəsində ölkə ərazisində havanın temperaturu nisbətən düşəcək.

AzNews.az
Bağla X