22:24
(077) 610-22-33

Bakı-Quba yolunda qəza: ölən var

  • >
947 27 Avqust 2014 17:10 | Hadisə

Bakı-Quba yolunda yol qəzası baş verib.

AzNews.az Fövqəladə Hallar Nazirliyinin saytına istinadən məlumat verir ki, Bakı-Quba yolunun 35-ci kilometrliyində "Hyundai" markalı minik avtomobili ilə "Mercedes" markalı yük avtomobili toqquşub. Dərhal nazirliyinin müvafiq xilasetmə qüvvələri hadisə yerinə cəlb olunub.

Hadisə yerində əməliyyat şəraiti qiymətləndirilərkən məlum olub ki, "Hyundai" markalı minik avtomobilinin sürücüsü 1957-ci il təvəllüdlü İbrahimov Aslan İzafət oğlu aldığı bədən xəsarətlərindən hadisə yerində vəfat edib və deformasiyaya uğramış avtomobildə sıxılmış vəziyyətdə qalıb.

Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə A.İbrahimovun meyitini avtomobildən çıxarıb və hadisə yerinə çağırılmış Təcili Tibbi Yardım Stansiyasının əməkdaşlarına təhvil veriblər.

Həmçinin ərazidə müvafiq təhlükəsizlik tədbirləri görüblər.

AzNews.az
Bağla X