- Köhnə - İdman
- 27 Mart 2017 17:18
- 3 537
Kirsan İlyumjinov təkzib etdi - “Məni əvəz etmək istəyirdilər” + Yenilənib
Kirsan İlyumjinov Beynəlxalq Şahmat Federasiyasının (FİDE) prezidenti postundan istefa verməsi ilə bağlı məlumatları təkzib edib.
APA-nın Moskva müxbirinin verdiyi xəbərə görə, bu barədə o, TASS-a açıqlamasında bildirib.
FİDE prezidenti təşkilatın rəhbəri vəzifəsindən getmədiyini açıqlayıb: "Məni əvəz etmək istəyirdilər, lakin bu alınmadı. Mən heç nəyi imzalamadım, istefaya da getmirəm. Hesab edirəm ki, bu, amerikalıların işidir".
Qeyd edək ki, FİDE-nin rəsmi saytında martın 26-da Afinada keçirilən iclasda Kirsan İlyumjinovun təşkilatın prezidentliyindən istefa verdiyi haqda məlumat yerləşdirilib.
***
17:03
Beynəlxalq Şahmat Federasiyasının (FIDE) prezidenti Kirsan İlyumjinov vəzifəsindən istefa verib.
Trend-in məlumatına görə, faktı federasiyanın rəsmi saytı da təsdiq edib.
Gələn ay FIDE-nin növbədənkənar toplantısının keçiriləcəyi bildirilir.
AzNews.az