"Neftçi" "Keşlə"yə uduzdu

Yeni mövsümün hazırlıqlarını paytaxt davam etdirən “Neftçi” və “Keşlə” klubları bu gün yoxlama oyununda üz-üzə gəliblər.

AzNews.az Qol.az-a istinadən xəbər verir ki, İsmət Qayıbov adına təlim-məşq bazasının stadionunda baş tutan görüş “Keşlə”nin 2:1 hesablı qələbəsi ilə başa çatıb. Yuri Maksimovun komandasından qolları Məqsəd İsayev və Pərdis Fərcad Azad vurublar. “Neftçi”dən isə Mirabdulla Abbasov fərqlənib.

Qeyd edək ki, bu, “Keşlə”nin qış fasiləsində ikinci yoxlama oyunudur. Komanda bundan əvvəl birinci divizion təmsilçisi “Qaradağ-Lökbatan”ı 3:1 hesabı ilə məğlub edib.