06:19
(077) 610-22-33

Xarkov şəhərində təntənəli Novruz şənliyi keçirildi - FOTOLAR

  • >
2 134 22 Mart 2015 19:13 | Mədəniyyət

Azərbaycanın Xarkov şəhərindəki fəxri konsulluğunun təşəbbüsü ilə keçirilən Novruz şənliyində Xarkov vilayət Deputatlar Şurasının sədri Sergey Çernov, Sumı vilayətinin qubernatoru Nokolay Kloçko, tanınmış elm və mədəniyyət xadimləri, deputatlar, diplomatik korpusların nümayəndələri, diaspor və media təmsilçiləri iştirak edib.





AzNews.az xəbər verir ki, tədbirə qatılanlar ilk öncə Xarkov Opera və Balet teatrının foyesində təşkil edilmiş sərgi ilə tanış olaraq Novruz şirniyyatları ilə bəzədilən bayram süfrəsi ətrafında birlik və həmrəyliklərini nümayiş etdiriblər. Azərbaycanın dövlət himninin sədaları altında başlanan bayram konsertini Azərbaycanın Xarkov şəhərindəki fəxri konsulu Əfqan Salmanov açaraq Novruzun qədim və zəngin adət-ənənələrindən söz açıb. Belə bir füsünkar bayramın vaxtilə keçirilməsinə yasaq qoyulduğunu diqqətə çatdıran fəxri konsul 1993-cü ildə ikinci dəfə hakimiyyətə gələn ulu öndər Heydər Əliyevin müdrik və uzaqgörən siyasəti nəticəsində Azərbaycan xalqının öz maddi və mənəvi sərvətlərinə sahib çıxdığını, Novruz adət-ənənələrinin isə ümumxalq bayramına çevrildiyini nəzərə çatdırıb. Bu ənənənin Prezident İlham Əliyevin tərəfindən layiqincə davam etdirildiyini bildirən Əfqan Salmanov Heydər Əliyev fondunun prezidenti Mehriban Əliyevanın təşəbbüsü və dəstəyi ilə Novruz bayramının YUNESKO-nun qeyri maddi mədəni irs siyahasına salındığını və hazırda BMT miqyasında təntənə ilə keçirildiyini bildirib.

Baharın gəlişi münasibəti ilə Azərbaycan və Ukrayna xalqlarına sülh və əmin-amanlıq, ölkələrimizə ruzi və bərəkət arzulayıb.

Xarkov vilayət Deputatlar Şurasının sədri Sergey Çernov, Sumı vilayətinin qubernatoru Nikolay Kloçko və digər rəsmi şəxslər çıxış edərək, iqtisadi inkişaf tempinə görə Cənubi Qafqazda lider olan və beynəlxalq arenada nüfuzlu dövlətə çevrilən müstəqil Azərbaycan respublikasının öz maddi və mənəvi dəyərlərinə sahib çıxmasının fərəhləndirici hal olduğunu vurğulayıblar.
Son dövrlər Azərbaycanın Xarkov şəhərindəki fəxri konsulluğunun təşəbbüsü ilə Azərbaycanla Ukrayna arasında regional əməkdaşlığın sürətlə inkişaf etdirilməsinə və Azərbaycanla bağlı silsilə tədbirlərin həyata keçirilməsinə görə Azərbaycan respublikasının perzidenti İlham Əliyevə minnətdarlıqlarını bildiriblər.

Müstəqillik illərinin yüksək inkişaf və tərəqqi tarixini yaşayan Azərbaycan xalqına bayram təbriklərini çatdırıblar, döğma vətənimizə sülh və əmin-amanlıq arzulayıblar.

Çıxışlardan sonra tədbir Azərbaycan və Ukraynanın tanınmış mahnı və rəqs kollektivlərinin rəngarəng konsert proqramı ilə davam etdirilib.

Bayram şənliyində Azərbaycanın gənc ifaçıları Azad Şabanov və Dilarə Kazımovanın ifa etdikləri xalq və estrada mahnıları tədbir iştirakçılarına əsl bayram ovqatı bəxş edib.

Bayram şənliyındə Ukraynada qumla şüşə üzərində əsrarəngiz mənzərələr yaradan Svetlana Telbuxun Novruz bayramına və Azərbaycan-Ukrayna dostluğuna həsr etdiyi animasiya əsəri böyük maraq və heyranlıqla qarşılanıb.

Tədbirin sonunda Azərbaycanın Xarkovdakı fəxri Konsulluğunun təşəbbüsü ilə məktəbli uşaqlar arasında Novruz bayramı ilə bağlı keçirilən rəsm müsabiqəsinin qalıblərinə diplom və mükafatlar təqdim olunub.
Mahnı və rəqs kollektivlərinin yekun çıxışları böyük alqışlarla qarşılanıb.
image description image description image description image description
Bağla X