Avropa Məhkəməsi Ramil Səfərovla bağlı şikayəti qəbul etmədi

Avropa İnsan Hüquqları Məhkəməsi Azərbaycan zabiti Ramil Səfərovun əfvi ilə bağlı erməni tərəfinin şikayətini qəbul etməyib. Bu barədə məlumatı vəkil Nazeli Vardanyan verib.

Vəkilin sözlərinə görə, şikayətin qəbulu uzun prosesdir və bir ilə qədər davam edə bilər. Şikayəti göndərənlərdən biri Ayk Manukyan isə bildirib ki, Avropa Məhkəməsinin siyasi yoxsa, ədalətli qərar verəcəyini söyləməkdə çətinlik çəkir.

Qeyd edək ki, erməni tərəfi Ramil Səfərovla bağlı şikayəti Avropa Məhkəməsinə bu ilin fevralında təqdim edib. Şikayətin hazırlanmasında Ermənistanla yanaşı bir sıra xarici ölkədən olan ekspertlər iştirak edib.

Vəkil Nazeli Vardanyan isə erməni tərəfinin hüquqlarının Budapeştdə müdafiə edib.

Elnarə
AzNews.az