Yaponiyanın Baş Naziri seçilməsi münasibətilə Yaponiyanın Baş Naziri seçilməsi münasibətilə
  • Paytaxt
  • 17 Sentyabr 2020 11:30
  •  3 386

Prezident İlham Əliyev Yoşihide Suqayı təbrik edib

Yaponiyanın Baş Naziri seçilməsi münasibətilə

Prezident İlham Əliyev Yaponiyanın Baş Naziri Yoşihide Suqaya təbrik məktubu göndərib.

Təbrikdə deyilir: "Hörmətli cənab Baş Nazir, Yaponiyanın Baş Naziri vəzifəsinə seçilməyiniz münasibətilə Sizi ürəkdən təbrik edirəm.

Biz Yaponiya ilə dostluq və əməkdaşlıq münasibətlərimizin hərtərəfli inkişafına xüsusi əhəmiyyət veririk. İnanıram ki, ölkələrimiz arasındakı əlaqələrin daha da möhkəmləndirilməsi, qarşılıqlı faydalı əməkdaşlığımızın müvəffəqiyyətlə davam etdirilməsi üçün birgə səylər göstərəcəyik.

Sizə ən xoş arzularımı yetirir, möhkəm cansağlığı, xoşbəxtlik, dost Yaponiya xalqının rifahı naminə qarşıdakı məsul fəaliyyətinizdə uğurlar diləyirəm".

AzNews.az