Görüşdə üçtərəfli bəyanatların icrası ilə bağlı məsələlər müzakirə edilib Görüşdə üçtərəfli bəyanatların icrası ilə bağlı məsələlər müzakirə edilib
  • Paytaxt
  • 9 Mart 2021 21:40
  •  5 632

Azərbaycan Xarici İşlər naziri BMT rəsmisi ilə videoformatda görüşüb

Görüşdə üçtərəfli bəyanatların icrası ilə bağlı məsələlər müzakirə edilib

Azərbaycan Xarici İşlər naziri Ceyhun Bayramovun BMT-nin Humanitar Məsələlərin Əlaqələndirilməsi Ofisinin rəhbəri Mark Loukok ilə videokonfrans formatında görüşü keçirilib. Görüşdə hər iki tərəfdən nümayəndə heyətləri iştirak ediblər.

Bu barədə Azərbaycan Xarici İşlər Nazirliyindən məlumat verilib.

Videokonfransda tərəflər bölgədə hazırda mövcud olan vəziyyət, o cümlədən 10 noyabr 2020-ci il və 11 yanvar 2021-ci il tarixli üçtərəfli bəyanatların icrası ilə bağlı məsələləri müzakirə ediblər.

Görüşdə həmçinin Azərbaycanın münaqişənin təsirinə məruz qalan bütün ərazilərində BMT və müvafiq Agentlikləri ilə humanitar fəaliyyət sahəsində əməkdaşlığa dair məsələlər ətrafında fikir mübadiləsi aparılıb.

AzNews.az