Tərəflər bölgədə mövcud vəziyyət barədə fikir mübadiləsi aparıblar Tərəflər bölgədə mövcud vəziyyət barədə fikir mübadiləsi aparıblar
  • Paytaxt
  • 6 Dekabr 2021 22:58
  •  4 807

Ceyhun Bayramov ABŞ Dövlət Katibinin köməkçisi ilə danışıb

Tərəflər bölgədə mövcud vəziyyət barədə fikir mübadiləsi aparıblar

6 dekabr 2021-ci il tarixində xarici işlər naziri Ceyhun Bayramovun ABŞ Dövlət Katibinin Avropa və Avrasiya məsələləri üzrə köməkçisi Karen Donfrid ilə telefon danışığı baş tutub.

Aznews.az bildirir ki, XİN-dən verilən məlumata görə, tərəflər bölgədə mövcud olan ən son vəziyyət, o cümlədən Ermənistan və Azərbaycan arasında münaqişə sonrası münasibətlərin normallaşdırılması üzrə danışıqların mövcud durumu ətrafında fikir mübadiləsi aparıblar.

Karen Donfrid Azərbaycanın 10 nəfər erməni əsilli hərbi qulluqçunu Ermənistan tərəfinə təhvil verməsini, habelə Ermənistanın mina xəritələrini Azərbaycana təqdim etməsini müsbət bir hal və münasibətlərin normallaşması istiqamətində irəliləyiş kimi dəyərləndirib.

Telefon danışığı zamanı tərəflər, həmçinin ikitərəfli əməkdaşlıq gündəliyinin bəzi məsələləri, həmçinin qarşılıqlı maraq doğuran digər mövzuları müzakirə ediblər.