Hərbi Dəniz Qüvvələrinin komandanı ehtiyata göndərildi - Yenilənib

Azərbaycan Hərbi Dəniz Qüvvələrinə yeni komandan təyinatı olub.

“Report”un hərbi mənbələrdən əldə etdiyi məlumata görə, bu vəzifəyə I dərəcəli kapitan Hümbətov Zaur Cəlal oğlu təyin edilib.

Qeyd edək ki, Hərbi Dəniz Qüvvələri Komandanı vəzifələrini icra edən 1-ci dərəcəli kapitan Hicran Rüstəmzadə müdafiə nazirinin müvafiq əmri ilə ehtiyata buraxılıb.

***

16:30

Azərbaycan Hərbi Dəniz Qüvvələrinin komandanı ehtiyata buraxılıb.

Müdafiə Nazirliyinin mətbuat xidmətindən APA-ya verilən məlumata görə, polkovnik və ona bərabər hərbi rütbədə olan zabitlər üçün həqiqi hərbi xidmətdə olmağının son yaş həddi qanunvericiliklə 53 yaş müəyyən edilib.

Hərbi Dəniz Qüvvələri Komandanı vəzifələrini icra edən 1-ci dərəcəli kapitan, 57 yaşlı Hicran Rüstəmzadə “Hərbi xidmətkeçmə haqqında” əsasnamənin 156-cı maddəsinin “b” bəndinə əsasən (yaşa görə) Müdafiə nazirinin müvafiq əmri ilə ehtiyata buraxılıb.

AzNews.az