Sərhəddən siqaret qutusunda narkotik keçirməyə cəhd etdi

Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşına məxsus iki ədəd “Kent” markalı siqaret qutusuna gömrük baxışı keçirilib.

AzNews.az DGK-nın mətbuat xidmətinə istinadən xəbər verir ki, baxış zamanı, həmin qutuların içərisində, yarıdan qırılmış siqaretlərin altında, hər qutuda 3 büküm olmaqla, cəmi 6 ədəd bükümdə xalis çəkisi 57,259 qram təşkil edən narkotik vasitə - heroin aşkar olunub.