“Avaralar bura girib, içib, çəkirlər” - Narkomanların məskən tutduqları bina

Gəncədə yarımtikili bina narkomanların məskəni olub.

ARB TV xəbər verir ki, söhbət Muxtar Hacıyevdə yerləşən 9 mərtəbəyə hesablanmış natamam tikilidən gedir.

1992-ci ildə cəmi 3-cü mərtəbəyə qədər ucaldılan binanın stunları artıq diqqətsizliyə dözə bilmir.

Sakin: “Ora çatana qədər adam qorxur. Maşına ziyan dəyib, uşaqları narahat edir. Ağıllı insan gəlməz. Özünü idarə edə bilməyənlər gəlir”.

Sakin: “Yoldan keçən avaralar bura girib, içib, çəkirlər”.

Təsadüfi deyil ki, ərazi küçə itlərinin daha çox göründüyü yerlərdəndir.

Gəncənin Gülüstan qəsəbə sakinləri də bənzər problemdən şikayətlənirlər.

Sakin: Orada it ölüsü, at ölüsü doludu. Qoxudan oralara giriləsi deyil”.

Küçə həyatı, antisanitariya şərayitinə səbəb binalar naməlum özəl cəmiyyətlərə məxsus olduğundan onlarla əlaqə yaratmaq istəyimiz nəticəsiz qaldı.

AzNews.az