- Köhnə - Cəmiyyət
- 7 May 2013 14:25
- 1 557
Gülər Əhmədova prezidentdən cavab gözləyir
Xatırladaq ki, mayın 13-də G.Əhmədova barəsində seçilmiş 3 ay həbs-qəti imkan tədbirinin müddəti bitir.
"Dünən müvəkkilimin yanında olmuşam. İstintaq hələ ki davam edir. Səhhətində problemləri var. Həkim nəzarəti altındadır. Əsəbləri pozulub, baş gicəllənməsi var, ürəyi ağrıyır".
Bunu Modern.az-a Gülər Əhmədovanın vəkili Əfsər Talıbov deyib. Onun sözlərinə görə, Gülər Əhmədovanın ev dustaqlığına buraxılması ilə bağlı prezidentə müraciətə isə hələ ki cavab verilməyib. "Hələ ki bu müraciətə heç bir cavab yoxdur. Gözləyirik".
Qeyd edək ki, bir müddət əvvəl ölkə prezidentinə, Milli Məclisə, Prezident Administrasiyasının rəhbəri Ramiz Mehdiyevə, baş Prokuror Zakir Qaralova, Bakı şəhər prokuroru Əziz Seyidova istintaqda heç bir prosessual hərəkət qaydalarının aparılmadığı və Gülər Əhmədova haqqında qərəzli həbs-qəti imkan tədbiri seçildiyi barədə müraciət edilib.
AzNews.az