Cavanşir Paşazadə Rza Zərrabla münasibətindən danışdı- VİDEO

Türkiyədə böyük səs-küyə səbəb olan korrupsiya əməliyyatında saxlanılan azərbaycanlı iş adamı Rza Zərrabın Azərbaycanda dayağının olduğu bildirilir.

Türkiyə və bəzi Azərbaycan mətbuatı bu şəxsin millət vəkili Cavanşir Paşazadə olduğunu xəbər verir. Məlumata görə, Cavanşir Paşazadə Rza Zərrabın yaxın dostudur və bəzi əməliyyatların aparılmasında ona dayaq durub.

Hazırda xarici ölkədə olan və mətbuatda yayılan məlumatdan xəbərdar olduğunu deyən Paşazadə yazılanlara belə münasibət bildirdi: "Mənim o insanla heç bir əlaqəm olmayıb. Mən o insanı ümumiyyətlə heç tanımıram. O insanla heç bir tədbirdə də olmamışam mən".

Cavanşir Paşazadə vətənə qayıtdıqdan sonra bu xəbəri yayanları mütləq məhkəməyə verəcəyini deyib.(anspress)