Sabah qar yağacaq

Sabah Azərbaycanın dağlıq və dağətəyi rayonlarında qar yağacağı, gündüz isə yağıntının tədricən kəsiləcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova bildirib ki, martın 1-də Bakıda və Abşeron yarımadasında hava dəyişkən buludlu olacaq, arabir tutulacaq. Gündüz cənub küləyi əsəcək.

Bakıda və Abşeron yarımadasında havanın temperaturu gecə 2-4, gündüz 6-9 dərəcə isti proqnozlaşdırılır.

Azərbaycanın rayonlarında da martın 1-də hava arabir yağıntılı olacağı, dağlıq və dağətəyi rayonlarda qar yağacağı gözlənilir. Gündüz yağıntı tədricən kəsiləcək. Qərb küləyi əsəcək.

Aran rayonlarında havanın temperaturu gecə 0-5, gündüz 7-12 dərəcə isti olacaq. Dağlarda temperaturun gecə 2-6 dərəcə şaxta, gündüz 0-5 dərəcə isti olacağı proqnozlaşdırılır.

AzNews.az