Azərbaycanda 2 bəhayi icması qeydiyyatdan keçib

2009-cu ildən bəri Azərbaycanda 576 dini qurum qeydiyyatdan keçib. Bu qurumlardan 555-i müsəlman icması, 21-i isə qeyri-müsəlman icmasıdır.

Bu barədə məlumatı Dini Qurumlarla İş üzrə Dövlət Komitəsinin mətbuat xidmətinin rəhbəri Orxan Əli verib. Onun sözlərinə görə, qeyri-müsəlman icmasından 12-si xristian, 6-sı yəhudi, 1-i krişna, 2-si isə bəhayi icmasıdır.

Destruktiv dinin icmaların fəaliyyəti ilə bağlı isə Dövlət Komitəsinə şikayətlər daxil olmayıb. Belə icmalardan yalnız "Yeqova şahidləri" dini icması ilə bağlı bir fakt məlumdur ki, bununla da bağlı məhkəmə prosesi gedir.

E. Əlosmanqızı
AzNews.az