Qaradağda Pasxa bayramı - FOTOLAR

Bu gün Qaradağ Rayon İcra Hakimiyyətində Müqəddəs Pasxa bayramı münasibəti ilə slavyanəsilli sakinlərlə görüş keçirilib.

AzNews.az xəbər verir ki, tədbirdə iştirak edən Qaradağ Rayon İcra Hakimiyyəti başçısının müavini Təranə İsmayılova Pasxa bayramının gəlişi münasibəti ilə rayon ərazisində yaşayan slavyanəsilli sakinləri Qaradağ Rayon İcra Hakimiyyətinin başçısı Süleyman Mikayılovun adından təbrik edib. Qeyd edib ki, vətənimizdə yaşayan xalqlar bir-birlərinə o qədər yaxındılar ki, onlar arasında heç bir ayrıseçkilik müşahidə olunmur əksinə qarşılıqlı hörmət, ehtiram və səmimi münasibətlər mövcuddur.

Daha sonra çıxış edən sakinlərdə burada özlərini öz doğma vətənlərindəki kimi hiss etdiklərini bildirərək onlar üçün yaradılan hər bir şərait üçün ölkə rəhbərliyinə və rayon İcra hakimiyyətinə minnətdarlıqlarını bildiriblər.

Tədbirin sonunda rayon ərazisində yaşayan 100 aztəminatlı slavyanəsilli sakinlərə ərzaq yardımı verilib.