Sakinlər Ağdamın işğal gününü xatırlayır? - VİDEOSORĞU

Bu gün Ağdamın işğalından 22 il ötür. Belə ki, 1993-cü ilin 23 iyulunda Ağdam ermənilər tərəfindən işğal olunub.

Tariximizə, qan yaddaşımıza qanlı hərflərlə yazılan bu işğal xalqımız tərəfindən hər il anılır.

Bəs görəsən, əhali "23 iyul" tarixini xatırlayırmı?

Bu sual ətrafında sakinlər arasında sorğu keçirdik.

Qeyd edək ki, Ağdam rayonu 1993-cü il iyulun 23-də erməni silahlı birləşmələri tərəfidən işğal olunub. İşğal nəticəsində Ağdam rayonunun 1154 kvadrat kilometr ərazisi Ermənistan Silahlı Qüvvələrinin nəzarətinə keçib. 147 min nəfər əhalisi olan Ağdamın yalnız 22.6 faizi Azərbaycanın nəzarətindədir. Qarabağ uğrunda gedən döyüşlərdə Ağdam 6 mindən çox şəhid verib.

Sorğu iştirakçılarının cavablarını daha ətraflı aşağıda təqdim edəcəyimiz videodan izləyə bilərsiniz.