Xırdalan susuz qaldı - Magistral xətdə qəza

Abşeron rayonunun Xırdalan şəhərində 2 gündür su verilmir.

Şəhərin 26-cı məhəlləsinin sakinlərindən AzNews.az-a verilən məlumata görə, suyun hansı səbəbdən verilməməsi ilə bağlı məlumat ala bilmirlər.

"Azərsu" Açıq Səhmdar Cəmiyyətinin mətbuat xidməti və ictimai əlaqələr şöbəsinini rəhbəri Anar Cəbrayıllı isə AzNews.az-a bildirib ki, suyun verilməməsinə səbəb magistral xətdə baş verən qəzadır:

"Hazırda qəzanın səbəbi aradan qaldırılıb. Bu dəqiqələrdə magistral xəttə su vurulur və sakinlər yaxın vaxtlarda su ala biləcək".

Xalid