Yeni radioya iddialılar var

Gəncə və ətraf ərazilərdə yeni regional radio yayım proqramının açılması üçün Milli Televiziya və Radio Şurasının elan etdiyi müsabiqəyə bir şirkət tərəfindən sənəd təqdim edilib.

Bu barədə məlumatı AzNews.az-a MTRŞ-nın hüquq şöbəsinin baş məsləhətçisi Tohid Əliyev verib. MTRŞ təmsilçisinin sözlərinə görə, müraciət edənlər və sənəd təqdim etmək üçün blank götürənlər çox olsa da, hələlik ancaq bir şirkət tələb edilən sənədləri təqdim edib.

Radio tezliyinə iddialıların adı sənəd qəbulu başa çatdıqdan sonra açıqlanacaq. Müsabiqənin qalibinin isə dekabrın 22-dək elan ediləcəyi gözlənilir.

Elnarə Əlosmanqızı
AzNews.az