“Avis apteklərində əməliyyat keçirməmişik” - DTX-dan açıqlama

“Bizim Xidmət Avis apteklər şəbəkəsində xüsusi əməliyyat keçirməyib. Bu barədə yayılan məlumat həqiqəti əks etdirmir”.

AzNews.az virtualaz.org-a istinadən xəbər verir ki, bu barədə Dövlət Təhlükəsizlik Xidmətindən məlumatında deyilir.

Qeyd edək ki, bir az əvvəl musavat.com Dövlət Təhlükəsizlik Xidməti tərəfindən Avis apteklər şəbəkəsində xüsusi əməliyyatın keçirildiyi, həbslərin aparıldığı və hətta Avis-in baş direktorunun Azərbaycandan qaçdığı barədə məlumat yayıb.

Onu da qeyd edək ki, Avis Tibbi Marketlər şəbəkəsi Azərbaycanda fəaliyyətə 1998-ci ildən başlayıb. Ötən 8 il ərzində şirkət Bakıda 9 aptek açıb.