- Maraq dairəsi
- 8 Aprel 2019 12:55
- 2 619
ABŞ-da nəhəng ilan tutuldu
Piton bəzi araşdırmalar üçün istifadə ediləcək
ABŞ-ın Florida ştatında uzunluğu 5.2 metr olan və 73 yumurta daşıyan Birmanya pitonu ələ keçirilib.
AzNews.az xarici mediaya istinadən xəbər verir ki, araşdırmaçılar təxminən 64 kiloqram ağırlığında olan pitonu Floridanın cənubundakı Everglades bölgəsində tapıb.
Alimlər qeyd ediblər ki, bu piton Cənubi Asiya iqliminə uyğunlaşsa da Everglades bölgəsinin tropik iqlimində də yaşaya bilər.
Rəsmilər Mayami ətrafındakı bataqlıqlarda təxminən 100 min pitonun yaşadığını təxmin edirlər. Onların fikrincə, həmin ilanların artımı nəzarət altında saxlanılmalıdır.
Tutulan pitonun bəzi araşdırmalar üçün istifadə ediləcəyi deyilir.
Pərvanə Ağazadə
AzNews.az