“Ermənistan hərbçilərin və meyitlərin dəyişdirilməsinə şərait yaratmır”

Beynəlxalq təşkilatlardan, bir sıra dövlətlərdən humanitar atəşkəsin vacibliyi ilə bağlı müraciətlər daxil olub

"Bizim döyüş meydanında əldə etdiyimiz qələbə diplomatik sahədə də bizə üstünlük verir".

AzNews.az-ın verdiyi xəbərə görə, bunu Xarici işlər naziri Ceyhun Bayramov brifinqdə deyib.

O bildirib ki, beynəlxalq təşkilatlardan, bir sıra dövlətlərdən humanitar atəşkəsin vacibliyi ilə bağlı müraciətlər daxil olub:

"Rusiya Prezidenti Vladimir Putin şəxsən bu təşəbbüslə çıxış edib. Azərbaycan və Rusiya dövlət başçılarının tapşırığı ilə görüş təşkil edildi və bəyanat imzalandı. Hərbçilərin, meyitlərin dəyişdirilməsi nəzərdə tutulur. Bu proses zamanı işlərin icrası Beynəlxaq Qızıl Xaç Komitəsinin üzərinə qoyulub. Lakin Ermənistan buna şərait yaratmır və saat 12-dən sonra atəşkəsi pozaraq mülki əhalini atəşə tutub. Sənəd 4 bənddən ibarət olsa da, hər bəndinin özünün ayrıca mənası var. Bizim döyüş meydanında əldə etdiyimiz qələbə diplomatik sahədə də bizə üstünlük verir. Bəyanatda 3 və 4-cü bənddə bizim əldə etdiyimiz üstünlük qeyd olunub".