- Mədəni adam
- 23 Aprel 2019 17:06
- 42 734
Çoxları elə bilir ki, mən Akif İslamzadənin həyat yoldaşıyam - Nailə İslamzadə
Akif bəyin həyat yoldaşının da adı Nailə idi
Tanımış diktor Nailə İslamzadə Nail Naiboğlunun “Youtube” kanalında yayımlanan “21 sual” verilişinin qonağı olub.
AzNews.az xəbər verir ki, Nailə İslamzadə televiziyadan ayrılma səbəbini açıqlayıb: “Televiziyadan gedəndən sonra Rabitə və Yüksək Texnologiya Nazirliyində işlədim. AzTV-dən özüm getdim. Buna səbəb kanaldakı şərait idi. 25 il dövlət televiziyasında işləmişəm”.
Nailə İslamzadə müğənni Akif İslamzadə ilə də bağlı maraqlı açıqlama verib:
“Əvvəllər Akif İslamzadəni həyat yoldaşım kimi tanıyırdılar. İslamzadə məşhur soyad idi. Akif bəyin həyat yoldaşının da adı Nailə idi. İndiyənədək də mənə deyirlər ki, heyf, həyat yoldaşınız oxumur. Cavab verirəm ki, həyat yoldaşım heç zaman oxumayıb”.
Qeyd edək ki, Nailə İslamzadə “Ailələr, talelər" verilişinin aparıcısı olub.
Rəqsanə
AzNews.az