- Mədəni adam
- 10 İyul 2019 06:55
- 3 017
“Yevgeni Onegin” romanının ilk nəşri 580 min dollara satıldı - London hərracında
Roman ilkin qiymətindən üç dəfə baha satılıb.
Aleksandr Puşkinin “Yevgeni Onegin” romanının ilk nəşri “Сhristie's” hərrac evinin Londonda keçirdiyi auksionda 467,3 min funt sterlinqə (580 min dollara) satılıb.
“TASS” agentliyinə istinadən xəbər verilir ki, satış evi iyulun 9-da keçirilən “Rus ədəbiyyatının qızıl əsəri” hərracında ümumilikdə 2,27 milyon funt sterlinq gəlir əldə edildiyini bildirib.
1825-ci ildə Sankt-Peterburqun Xalq Maarifi Departamenti tərəfindən çap olunan roman ilkin qiymətindən üç dəfə baha satılıb.
Nikolay Qoqolun “Dikanka yaxınlığında xutor axşamları” iki cildlik kitabının 1831-1832-ci illərdə çap olunmuş nadir nəşrinin satış qiyməti isə ilkin qiymətini iki dəfə üstələyib.
Londonda keçirilən hərraca ümumilikdə Avropada şəxsi kolleksiyalarda saxlanan 120 nadir çap nümunəsi, o cümlədən Mixail Lermontov, Fyodor Dostoyevski, Lev Tolstoy və digər müəlliflərin əsərləri çıxarılıb. (APA)