"Kurtlar Vadisi Pusu"nun məşhur aktyoru vəfat edib

Türkiyəli məşhur teatr, kino aktyoru, ssenarist, rejissor Can Gürzap 79 yaşında vəfat edib.

Aznews.az Türkiyə mətbuatına istinadən xəbər verir ki, o, bu gün müalicə edildiyi xəstəxanada vəfat edib.

1944-cü ildə İstanbulda anadan olan Can Gürzap teatr və kinoda bir-birindən maraqlı rollar yaradıb. Aktyor Azərbaycanda daha çox “Kurtlar Vadisi Pusu”, “Eşkiya dünyaya hökmdar olmaz” kimi məşhur seriallardakı rolları ilə də tanınıb.