Hava limanı ilə bağlı vergi sazişi imzalandı

Fransa və İsveçrə hökumətləri arasında Bazeldəki “Mulhouse Freiburg” hava limanı ilə bağlı vergi sazişi imzalanıb.

AzNews.az “vergiler.az” saytına istinadla bildirir ki, müqavilənin şərtlərinə görə, İsveçrədə toplanılan əlavə dəyər vergisi yerli vergi orqanları tərəfindən tutulacaq və yerli fondlara köçürüləcək.

Korporativ vergidən əldə olunan məbləğ isə iki dövlət arasında bölünəcək.

İsveçrə zonasındakı şirkətlər Fransanın gəlir vergisinə və İsveçrənin kapital vergisinə cəlb olunacaq.