Dortmunda terror törətməkdə şübhəli bilinən bir nəfər saxlanılıb- Hadisə yerindən məktub tapılıb

Almaniya baş prokurorluğu Dortmund şəhərində “Borussiya” futbol klubunda partlayış törətməkdə təqsirli bilinən 2 radikal islamçıdan birini həbs edib.

AzNews.az xəbər verir ki, ilkin ehtimala görə, baş verən 3 kiçik partlayış telefon vasitəsilə idarə edilibmiş. Partlayışın baş verdiyi ərazidən tapılan, “Bismillahi-r-Rəhmani-r-Rəhim” (“Rəhman, Rəhim Allahın adından”-red.) sözləri ilə başlayan məktubda ötən ilin 19 dekabr tarixində Berlində baş verən terror aktları xatırladılır. Bundan başqa, hadisə yerindən bir az aralıda tapılan məktub da araşdırılır.

Partlayış nəticəsində “Borussiya” futbol klubunun müdafiəçisi Mark Bartra yaralanıb.