Namazdan sonra intihar etmək istədi

Türkiyənin İzmir şəhərində psixoloji problemləri olduğu iddia edilən 24 yaşlı A.E özünü bir neçə dəfə bıçaqlayaraq ağır yaralayıb. Ailəsi tərəfindən xəstəxanaya aparılan gənc adamın hazırda vəziyyəti ağırdır.

Hadisə bu gün səhərə yaxın saat 05.00 radələrində baş verib. Səhər saatlarında azana qalxan oğlan, dəstəmaz aldıqdan sonra namaz qılıb. Namaz qıldıqdan sonra isə o, mətbəxdən götürdüyü çörək bıçağı ilə özünə xəsarət yetirib. Araşdırmalar zamanı, A.E-nın qız məsələsinə görə intihar etmək istədiyi bəlli olub.

Xəyalə Məmmədova
AzNews.az