“ABŞ-ın sanksiyalar siyasəti tərəfdaşlıq prinsiplərinə ziddir” - Ərdoğan

ABŞ-ın Türkiyəyə qarşı həyata keçirdiyi sanksiyalar siyasəti iki ölkə arasında strateji tərəfdaşlıq prinsiplərinə ziddir.

AzNews.az-ın Trend-ə istinadən verdiyi məlumata görə, bu barədə Türkiyə prezidenti Rəcəb Tayyib Ərdoğan "PBS" telekanalına müsahibəsi zamanı bildirib.

Türkiyə prezidenti qeyd edib: "Biz NATO çərçivəsində ABŞ-ın strateji tərəfdaşıyıq. Bizim strateji tərəfdaşımız olan hər bir ölkəyə öz strateji tərəfdaşına qarşı mümkün sanksiyalar barədə danışmaq yersiz olardı. Türkiyə strateji tərəfdaş kimi öz öhdəliklərini həmişə yerinə yetirib, biz bundan sonra da bunu edəcəyik".

AzNews.az