Fransa Suriyaya hücum qərarı verdi; Əsədə qarşı koalisiya

Fransanın baş naziri Jan Mark Ayrolt ölkəsinin kimyəvi silahdan istifadə edən Suriya hökumətini cəzalandırmaqda qərarlı olduğunu bəyan edib. AzNews.az-ın xarici mətbuata istinadən məlumatına görə, baş nazir deyib ki, Suriyadakı rejimin kimyəvi silahdan istifadə etməsi cavabsız qala bilməz.

Baş nazir eyni zamanda onu da deyib ki, Fransa Suriyaya tək hücum etmək niyyətində deyil. Onun sözlərinə görə, hazırda prezident Fransua Olland bir koalisiya yaradılması ilə bağlı danışıqlar aparır. Ayrolt onu da qeyd edib ki, hücumun məqsədi Bəşər Əsədi devirmək olmayacaq. Fransanın Suriyaya hücum barədə yekun qərarını da koalisiyanın yaranmasından sonra veriləcəyi bildirilir.

Elnur
AzNews.az