Alimlər ildırım çaxacağını əvvəlcədən biləcək

Böyük Britaniya alimləri ildırım çaxmasının müəyyənləşdirilməsində yenilik tətbiq ediblər. AzNews.az BBC-yə istinadən xəbər verir ki, Britaniya alimləri ildırımların tezliyinə günəşin aktivliyinin səbəb olduğuna dair sübutlar aşkarlayıb.

Onların elmi kəşfinə görə, günəşin aktivliyinin peyk monitorinqi ildırım çaxması barədə həftələr öncə məlumat verməyə kömək edə bilər. Araşdırmalarda iştirak edən alimlərdən birinin sözlərinə görə, günəş şüalarının yer səthinə çatmasından 40 gün sonra ildırım olma ehtimalı artır.

Aydan Axundova
AzNews.az