Belarusda ilk dəfə Putinin çıxışı efirə verilmədi - VİDEO

Belarus telekanalları ilk dəfə olaraq Rusiya prezidenti Vladimir Putinin Yeni il öncəsi bayram təbrikini efirə verməyib.

AzNews.az xəbər verir ki, bu haqda məlumatı Belarusun "Bizim niva" qəzeti yayıb.
Məlumatda deyilir ki, Putinin çıxışının yerində Belarus prezidenti Aleksandr Lukaşenkonun təbriki efirə verilib.

Qəzet yazıb ki, hər il dekabrın 31-də Yeni il axşamı Belarus telekanallarında öncə Rusiya dövlət başçısının, sonra isə Belarus rəhbərinin bayram təbriki verilirmiş.
Qeyd edək ki, Lukaşenko öz təbrikini Belarus dili əvəzinə rus dilində çatdırıb.