“Anadolu” Agentliyinin müxbiri Suriyada həlak oldu - Foto

“Anadolu” Agentliyinin Hələb müxbiri Saleh Mahmud Leyla bomba yüklü avtomobillə təşkil edilən hücumda həyatını itirib.
AzNews.az xəbər verir ki, hadisə Hələb çölündəki Hıreytan mahalında baş verib. Hadisənin terror təşkilatı DAEŞ tərəfindən reallaşdırıldığı bildirilir. O, vəzifəsi boyunca Suriyanın şimalındakı baş verən hadisələrlə bağlı xeyli sayda foto və videolar çəkib.

Həmçinin orada müharibə şəraitində yaşayan xalqın çətinlikləri iə bağlı hesabatlar verib. Onun Suriya daxili döyüşündə çəkdiyi çox sayda şəkillər dünyanın qabaqcıl mətbuat orqanlarında yer alıb.

Qeyd edək ki, iyul ayında Hələbdə Cəmiyyət əz-Zəhra bölgəsindəki qarşıdurmaları çəkərkən üzündən yaralanan jurnalist müalicə üçün Türkiyəyə gətirilmişdi.

Sevinc Yasinqızı