Pakistanda fabrik çökdü, - 10 ölü, 100 işçi dağıntılar altında

Pakistandakı Pəncab əyalətinin paytaxtı Lahorda fabrik binası çöküb.

AzNews.az Qafqazinfo-ya istinadən xəbər verir ki, dördmərtəbəli binanın çökmə nəticəsində 10 nəfər dünyasını dəyişib.

Lahor Təhlükəsizlik İdarəsinin rəsmisi Hayder Eşref 30 nəfərin yaralandığını, 100 işçinin dağıntılar altında qaldığını bildirib. Hadisə yerinə xilasetmə qüvvələri cəlb olunub.

Baş nazir Navaz Şərif həyatını itirənlərin yaxınlarına başsağlığı ünvanlayıb.