ABŞ boksçusu rinqdə aldığı zərbədən öldü - VİDEO

Deyi rinqdən huşsuz vəziyyətdə xərəklə çıxarıblar.

ABŞ boksçusu Patrik Dey nokautdan sonra komaya düşərək ölüb.

27 yaşlı idmançını Çikaqo şəhərində USBA versiyası üzrə döyüşün 10-cu raundunda həmyerlisi Çarlz Konvey dərin nokauta göndərib.

Deyi rinqdən huşsuz vəziyyətdə xərəklə çıxarıblar. Xəstəxanaya yerləşdirildikdən sonra o, beynindən təcili əməliyyat olunub. Həkimlərin səylərinə baxmayaraq, Deyin həyatını xilas etmək mümkün olmayıb.

Hadisə ilə əlaqədar Ümumdünya Boks Şurasının prezidenti Maurisio Süleyman başsağlığı verib. (Report)