AFFA İcraiyyə Komitəsinin iclası təxirə salınıb

Azərbaycanda bütün idman tədbirləri, o cümlədən futbol yarışları təxirə salınıb

AFFA İcraiyyə Komitəsinin iclası təxirə salınıb.

AzNews.az xəbər verir ki, qurum toplantının vaxtını Novruz bayramından sonraya keçirib.

Buna səbəb koronavirus pandemiyası ilə bağlı ölkə futbolunda yaranmış qeyri-müəyyən durumdur. AFFA-nın icraçı vitse-prezidenti Elxan Məmmədov bir müddət əvvəl iclasın Novruz bayramı ərəfəsində baş tutacağını, milli komandanın yeni baş məşqçisinin də həmin yığıncaqda müəyyənləşəcəyini bildirmişdi. Lakin koronavirus xəstəliyinin bütün dünyada sürətlə yayılması AFFA-nın planlarına da təsir edib.

Komitənin nə vaxt bir araya gələcəyi hələ dəqiqləşdirilməyib. Üstəlik, baş məşqçi məsələsi də açıq qalıb. Yaranmış ümumi problem aradan qalxdıqdan sonra baş məşqçi postuna namizədlərlə görüşlər bərpa ediləcək.