Yığma yarışı 1 qızıl, 4 gümüş və 2 bürünc medalla başa vurub Yığma yarışı 1 qızıl, 4 gümüş və 2 bürünc medalla başa vurub
  • Fanat
  • 27 Avqust 2021 23:26
  •  12 164

Azərbaycan taekvondoçuları Avropa birinciliyində 7 medal qazanıb

Yığma yarışı 1 qızıl, 4 gümüş və 2 bürünc medalla başa vurub

Estoniyanın Tallin şəhərində kiçikyaşlı yeniyetmələr, yeniyetmə və 21 yaşlı taekvondoçular arasında təşkil olunan Avropa birinciliyi başa çatıb.

Azərbaycan Taekvondo Federasiyasından Aznews.az-a verilən məlumata görə, yığma yarışı 1 qızıl, 4 gümüş və 2 bürünc medalla başa vurub.

Yeniyetmələr arasında Məhəmməd Həsənli (37 kq) qızıl medal, Hüseyn Xudiyev (65 kq), Vasif Səlimov (45 kq), İslam Əhmədzadə (53 kq), Nərgiz Kazımova (47 kq) gümüş medal, Zəhra İsayeva (29 kq) və İlyas Hətəmli (33 kq) bürünc medala sahib olublar.

Kiçikyaşlı yeniyetmələrdən isə “Əli-Mehdi” taekvondo klubunun yetirməsi olan Çingiz Həsənov (36 kq) qızıl medal, “Ümid” taekvondo klubunun təmsilçisi Sabir Məmmədli isə gümüş medala layiq görülüb.

Qeyd edək ki, yarışları idarə edənlər arasında Azərbaycanı beynəlxaq dərəcəli hakimi Aygül Abdullayeva da olub. Federasiyasının vitse-prezidenti Niyaməddin Paşayevin rəhbərliyi ilə Avropa birinciliyində iştirak edən komanda avqust 28-də Vətənə dönəcək