Paytaxtda sərnişin avtobusu aşdı

Noyabrın 6-da axşam saatlarında Bakı şəhərinin Yasamal rayonu ərazisində sərnişin avtobusunun iştirakı ilə ağır yol qəzası baş verib. Bakı şəhər Dövlət Yol Polisi İdarəsindən Lent.az-a verilən məlumata görə, metronun "20 Yanvar" stansiyasının yaxınlığında Tbilisi prospektində 170 saylı xətt üzrə hərəkət edən "Daewoo" markalı sərnişin avtobusu sürücünün idarəetməsindən çıxıb.

Avtobus əvvəlcə yol kənarındakı ağaca çırpılıb, daha sonra isə aşıb. Qəza nəticəsində 10 nəfərdən çox sərnişin yaralanıb. Bakı şəhər Təcili və Təxirəsalınmaz Tibbi Yardım Stansiyasından Lent.az-a bildirilib ki, hadisə yerindən 7 nəfər xəstəxanaya gətirilib.Qəzanın səbəbləri araşdırılır.

AzNews.az