Avropa Birliyi: Azərbaycanda öz baxışlarına görə həbs olunanlar var

"Bu, Azərbaycan hakimiyyəti ilə işlədiyimiz bir sıra sahələrdən biri olsa da, narahatlıq doğuran əsas sahədir"




Bunu Avropa Birliyinin Genişlənmə və Avropa Qonşuluğu Siyasəti üzrə nümayəndəsi Stephan Fule AzadliqRadiosunun sualına cavabında bildirib:

"İnanıram ki, Azərbaycanda öz baxışlarına görə həbs olunan adamla var və bu, yalnız Avropa Şurasını yox, Avropa Birliyini də narahat edən məsələdir.

Əməkdaşlığımızın inkişaf etdirilməsinin əsas yolu, əlbəttə böyük mənada Azərbaycanın üzərinə götürdüyü öhdəliklərin və bu öhdəlikləri təmin edəcək qanunların qəbul edilməsindən, Azərbaycan hakimiyyətinin müxalifətlə davranışından, ifadə azadlığına, fərqli baxışlara olan münasibətindən asılıdır".

AzNews.az