Maşın üç piyadanı vurdu; iki ölü

Azərbaycanda iki nəfərin ölümü ilə nəticələnən yol qəzası baş verib.

Daxili İşlər Nazirliyindən APA-ya verilən məlumata görə, İsmayıllı rayonunun İvanovka kəndində Hacı Hətəmli kənd sakini Habil Kərimov "VAZ 2107" markalı avtomobili idarə edərkən yolu keçən İsmayıllı sakinləri - 21 yaşlı Murad Umudov, 33 yaşlı Nikolay Stapovka və Gəncə sakini, 31 yaşlı Vasif Həsənovu vurub.

Hər üç şəxs xəstəxanaya yerləşdirilsə də, M. Umudov və N. Stapovkanı xilas etmək mümkün olmayıb.

AzNews.az