Sirus Təbrizlinin dəfni təxirə salındı

Azərbaycan milli azadlıq hərəkatında fəal iştirak etmiş, YAP-ın qurucularından olan Suris Təbrizlinin saat 13.00-a planlaşdırılan dəfni təxirə salınıb. Musavat.com-un məlumatına görə, bu, mərhumun məzar yerinin dəyişdirilməsi ilə bağlıdır.

Belə ki, II Fəxri Xiyabanın girişində məzar yeri qazılıbmış. Lakin Sirus Təbrizlinin ailəsi onun son arzusunun yerinə yetirilməsini istəyib.

Anar Məmmədxanovla dost olan Sirus Təbrizli onun yanında dəfn olunmasını istəyibmiş. Odur ki, yeni məzarın qazılması üçün dəfnin vaxtı dəyişdirilib. Son məlumata görə, mərhum saat 15.00-da torpağa tapşırılmalıdır.

AzNews.az