Kəmaləddin Heydərovun müavinindən yanğınla bağlı – AÇIQLAMA

"Sahil" Ticarət Mərkəzində başlayan yanğın söndürülüb. AzNews.az-ın məlumatına görə, hadisə yerinə gələn fövqəladə hallar nazirinin müavini, general-leytenant Etibar Mirzəyev jurnalistlərə açıqlamasında bildirib ki, bu gün saat 09.48-də Fövqəladə Hallar Nazirliyinin Dövlət Yanğından Mühafizə Xidmətinə hadisə ilə bağlı məlumat daxil olub və dərhal hadisə yerinə yanğınsöndürmə briqadaları cəlb edilib:

"Yanğın ticarət mərkəzinin 3-cü mərtəbəsində başlayıb və 1500 kv-metri əhatə edib. Yanğının qarşısı 1 saat 30 dəqiqə ərzində alınıb. Xəsarət alan yoxdur".

Nazir müavini yanğının baş verməsinin ilkin səbəblərinin araşdırıldığını da deyib: "Yanğının baş verməsi təhqiqatdan sonra bilinəcək".

İlqar
AzNews.az