Xəzər dənizində balıqçı öldü

Xəzər dənizinin Şabran rayon ərazisindəki hissəsində balıqçı ölüb.



ANS PRESS-in bölgə müxbirinin verdiyi məlumata görə, bu gün səhər saatlarında Şabran rayon Güləmli kənd sakini 58 yaşlı Şakir Sultanov motorsuz qayıqla dənizə çıxıb.

Günorta saatlarında yoldaşları Şakir Sultanovun cəsədini qayıqda aşkarlayaraq sahilə çıxarıb.

Hadisə yerinə Şabran rayon Prokurorluğu və Nəqliyyatda Baş Polis İdarəsi
Su polisi şöbəsinin əməkdaşları gəlib.

Faktla bağlı araşdırma aparılır.