Messi Ronaldonun bu addımından təəccüblənib

"Barselona" futbol klubunun argentinalı hücumçusu Lionel Messi Kriştianu Ronaldonun "Real Madrid" klubundan "Yuventus"a getməsindən təəccüblənib.

Bu barədə Trend xarici KİV-lərə istinadən xəbər verir.

"Məlumdur ki, o dünyanın ən yaxşı oyunçularındandır, onun keçidi "Yuventus"u Çempionlar Liqasını favoritlərindən edir", - deyə Messi bildirib və qeyd edib ki onun qərarından təəccüblənib: "Mən onu "Real"dan kənarda təsəvvür etmirdim".

Xatırladaq ki, iyulun 10-da Ronaldo "Yuventus" klubunda 100 milyon avroya keçib. Portuqaliyalı hücumçu "Real"ın şərəfini 2009-cu ildən qoruyurdu.

AzNews.az