Gürcüstandan qara xəbər gəldi - İdmançımız qəzada dünyasını dəyişdi

Tbilisidə II Avropa oyunlarına D kateqoriyalı lisenziya xarakterli yarışa yollanan sambo üzrə yığma komandanın üzvü Kərimov Yusif Arif oğlunu (23.03.1984) (52 kq) bir az bundan öncə maşın vurub.

AzNews.az Modern.az-a istinadən xəbər verir ki, idmançımız zərbənin təsirindən hadisə yerində dünyasını dəyişib. Avtomobil Yusif Kərimovu səkinin üstündə dayanarkən vurub.

Hal-hazırda Gürcüstan polisi hadisə ilə bağlı araşdırma aparır.

Gənclər və İdman Nazirliyinin Mətbuat katibi Səmayə Məmmədova Modern.az-a açıqlamasında məlumatı təsdiqləyib.

Məlumata görə, Azərbaycan tərəfi aidiyyati qurumlarla (Azərbaycanın Gürcüstandakı səfirliyi) idmançının cənazəsinin ölkəmizə gətirilməsi üçün tədbirlər görür.

AzNews.az