Hərbçilərimiz qrupda lider oldu

Hərbçilər arasında 1-ci Dünya Kuboku turnirinin qrup mərhələsində Azərbaycan yığması bu gün son oyununu keçirib.

Trend-in məlumatına görə, yığmamız AFFA Futbol Mərkəzindəki "Dalğa Arena"da İraq komandası ilə qarşılaşıb. Oyun millimizin 3:0 hesablı qələbəsi ilə başa çatıb.

Qeyd edək ki, bundan əvvəl komandamız Mali və Kanada yığmaları ilə qarşılaşmış və müvafiq olaraq, 4:0 və 2:0 hesabı ilə qələbə qazanmışdı.
Beləliklə, Azərbaycan yığması qrupda keçirdiyi bütün görüşlərdən qalib ayrılaraq qrup lideri kimi növbəti mərhələyə yüksəlib.

AzNews.az