«Yenidən qələbələri sıralamaq mənim üçün çətin olmayacaq»

Bu mövsüm yunan-Roma güləşi üzrə milli komandamızın aparıcı üzvü Həsən Əliyev üçün uğursuz olub. Əsas yarışları titulsuz başa vuran dünya və Avropa çempionu üstəlik, indi adət etdiyi 60 kq-da deyil, 66 kq çəkidə mübarizə aparacaq.

AzNews.az-a açıqlamasında gənc pəhləvan deyib ki, bu dəyişiklik onun çıxışına təsir etməyəcək: "Məşqlərimi adi qaydada davam edirəm. Vəziyyətim normaldır. Zədələrim tam sağaldıqdan sonra, yenidən qələbələri sıralamaq mənim üçün çətin olmayacaq".

Qeyd edək ki, London olimpiadasının iştirakçısı mötəbər arenalarda son dəfə ötən ilin aprelində sevinib. Almaniyanın Dortmunda şəhərində təşkil olunmuş Avropa çempioatında 3-cü yerə çıxıb.

Kamran Hacı
AzNews.az